|
|||||||
|
|
|
|||||
|
|
|||||||
 |
||
 |
||
|
أنا مش معاهم ...!! |
||
|
اسمعني للآخر ..... وخليني أكمل كلامي......... ايوه أنا مسلم والحمد لله و أزهري...بس انا مش معنى كده إني لازم أكون معاهم مع مين؟ الإخوان يا عم
متستغربش دا طبيعي خالص ..... وأنا مش لوحدي ...اللي كده...
طيب اسألني الأول أنا ليه بقول كده....؟؟ أقولك ليه ..!
طبعا كلنا شايفين الاخوان واقبالهم الشديد على العمليات الانتخابيه من كل نوع وفي كل مكان ..... مجلس الشعب مره ........وده نجحوا فيه ووصل منهم بتاع 80 واحد للمجلس ... وشويه الاتحادات الطلابيه .......ولما فشلو في دي او على الاصح أفشلو فيها بطرق اعترف انها ملتويه .عملو لنفسيهم اتحاد غير رسمي وسموه الاتحاد الحر .. بس ما فيش حد فيهم سأل نفسه ....... هل الانتخابات من الاسلام؟؟؟ هايرد عليا واحد ويقول بفم واسع :اه طبعا .......
اقولك انا بقه : اسف ....لا طبعا ...................... .الانتخابات بالطريقه اللي بتتعمل بيها دي في وقتنا الحاضر واللي بيتكالب عليها كل طامع في حصانه تحمي مصالحه الشخصيه والتجاريه ..واللي بينتج عنها معظمهم (ان ما كنش كلهم) من ذوي المصالح. هايقولي : مش مننا ,واحنا عاوزين نغير . اقولك : مش بالطريقه دي خاااالص ,لأن الانتخابات المباشره دي مش من الاسلام ...الانتخابات المباشره اللي فيها كل أهبل وعبيط وقليل العقل ومرتشي وكمان ميت ....بيدلي بشهادته في الاختيار من ينوب عنه.والشورى مخالفه للي بيحصل ده خاااالص...
بالراحه وما تتعصبش واسمعن00خي للآخر وابقى رد على راحتك......
هاسأل سؤال ....وانا عارف اجابتك ....أهوه ....من سبيل الجدال المرح ...
احنا اللي بنفهم في الإسلام والشورى الاسلاميه ولا عمر بن الخطاب(رضي الله عنه) .؟؟؟
طبعا عمر ... لما طعن عمر في صلاة الفجر .....وبدأ يحتضر ...رضي الله عنه .... رشح هو 6 مِمَن يراهم هو الأصلح لخلافة رسول الله (صلى الله عليه وسلم). ثم أمر الناس بأن يختارو فيما بين هؤلاء السته..
وليس كل الناس .......بل كبار المهاجرين والانصار ...واقرأما شئت في ذلك من كتب السيره وانظر الى الحديث الذي دار بينهما ...
هل هذه هي الشورى ............ولا برضو لساك مصمم ان الانتخابات اللي بتحصل دي من الاسلام..
للمناقشه والردود عندكم الايميل بتاعي في صفحة (اتصل بي..) وأوعدكم اني هانشر كل الردود اللي هاتوصلني .
والسلام عليكووووو.
|
||
|
.......الصفحه الرئيسية-----مدوناتي-----صور شخصيه--------اتصل بي... |
||
 |
||
 |